Gjatë javës së kaluar, stafi i Departamentit për Marrëdhënie me Jashtë i OJQ-së “LIZA-R” mori pjesë në trajnimin ndërkombëtar TOSCA – Trajnim dhe Mbështetje për Organizatat Aktive në Aktivitetet Vullnetare të Korpusit Evropian të Solidaritetit (European Solidarity Corps), i mbajtur në Stamboll, Turqi.
Ky trajnim mblodhi organizata dhe ekspertë nga e gjithë Evropa, Azia dhe Afrika, me fokus në të ardhmen e organizatave të shoqërisë civile, cilësinë e projekteve ndërkombëtare, fuqizimin e vullnetarizmit, mirëqenien e të rinjve, mentorimin dhe zhvillimin e bashkëpunimeve strategjike ndërkombëtare.
Një fakt që na bën veçanërisht krenarë është se OJQ “LIZA-R” ishte organizata e vetme pjesëmarrëse nga Ballkani, në mesin e organizatave dhe institucioneve nga vende si Gjermania, Austria, Franca, Italia, Belgjika, Polonia, Lituania, Ukraina, Gjeorgjia, Azerbajxhani, Libani, Egjipti dhe Tunizia.Pjesëmarrja në këtë trajnim hap një kapitull të ri për organizatën tonë dhe krijon mundësi të jashtëzakonshme për të rinjtë e Gjilanit dhe të Kosovës.
Nga ky rrjet i ri partneritetesh do të burojnë projekte ndërkombëtare, shkëmbime rinore, vizita studimore, aktivitete vullnetare, trajnime dhe shumë iniciativa të tjera që do të ndikojnë drejtpërdrejt në zhvillimin profesional dhe personal të të rinjve tanë.
Përmes lidhjeve të krijuara me organizata nga tri kontinente, OJQ “LIZA-R” po zgjeron praninë e saj ndërkombëtare dhe po forcon pozicionin e Kosovës në hartën evropiane të rinisë dhe vullnetarizmit.Ne mbetemi të përkushtuar që njohuritë, përvojat dhe partneritetet e fituara t’i shndërrojmë në mundësi konkrete për komunitetin tonë, duke vazhduar misionin tonë për fuqizimin e të rinjve dhe zhvillimin e shoqërisë.
Kjo është vetëm fillimi.Më e mira për të rinjtë e Kosovës është ende përpara!
