Sot me kënaqësi, Kryetari i Organizatës “LIZA-R”, z. Ujmir M. Krasniqi, në emër të organizatës nënshkroi kontratën për subvencionimin e projektit “EmpowerYouth: Aktivizimi i Rinisë përmes Vullnetarizmit dhe Transformimit të Potencialit Rinor” i cili do të implementohet me mbështetjen e Komunës së Kamenicës gjatë muajve në vijim.
Projekti “EmpowerYouth: Aktivizimi i Rinisë përmes Vullnetarizmit dhe Transformimit të Potencialit Rinor” synon promovimin e vullnetarizmit në përputhje me kornizën ligjore për rininë, përmes fuqizimit të të rinjve, ngritjes së kapaciteteve dhe zhvillimit të shkathtësive të buta.
Një fokus i veçantë do t’i kushtohet përfshirjes së vajzave të reja dhe grupeve të margjinalizuara, me qëllim rritjen e pjesëmarrjes së tyre aktive në jetën shoqërore, kulturore dhe në proceset vendimmarrëse.
Organizata “LIZA-R” shpreh mirënjohjen dhe falënderimet e saj të sinqerta ndaj Komunës së Kamenicës për mbështetjen e vazhdueshme që i ofron shoqërisë civile dhe organizatave që veprojnë në interes të qytetarëve.
Kjo mbështetje përbën një dëshmi të bashkëpunimit të mirë institucional dhe të përkushtimit të përbashkët për realizimin e projekteve me ndikim pozitiv në zhvillimin e komunitetit.
Njëkohësisht, falënderojmë Komuna e Kamenicës – Faqja Zyrtare për besimin e dhënë për përkushtimin tonë në zbatimin profesional, transparent dhe të përgjegjshëm të projektit, në funksion të interesit publik dhe zhvillimit të qëndrueshëm të komunitetit.
Vazhdojmë tutje me “LIZA-R” 
OJQ “LIZA-R” 
KOMUNA E KAMENICËS
KOMUNA E KAMENICËS
