Organizata “LIZA-R” realizoi një takim zyrtar me Drejtorin e Arsimit në Komunën e Gjilanit, Prof. Jeton Rexhepi, gjatë të cilit u nënshkrua Memorandumi i Mirëkuptimit për institucionalizimin e bashkëpunimit në fushën e arsimit parauniversitar.
Ky memorandum synon avancimin e cilësisë së edukimit përmes integrimit të qasjeve formale dhe joformale, si dhe krijimin e mundësive për zhvillimin akademik dhe personal të nxënësve duke përfshirë edhe promovimin e programeve ndërkombëtare si Erasmus+ dhe European Solidarity Corps (ESC).
“LIZA-R” mbetet e përkushtuar në promovimin e vlerave arsimore, inovacionit dhe fuqizimit të të rinjve, në funksion të një zhvillimi të qëndrueshëm shoqëror.
“LIZA-R, Frymëzojmë mendje, ndërtojmë ëndrra, formësojmë të ardhmen.
