OJQ “LIZA-R”, në bashkëpunim me vullnetarët amerikanë nga Peace Corps, po fillon një kurs falas të gjuhës angleze me qëllim përmirësimin dhe praktikimin e gjuhës angleze.
Linku për regjistrim: https://forms.gle/LjNigoNReyGtELd27
Ky kurs është i dedikuar për personat që tashmë kanë njohuri bazike ose më të avancuara të anglishtes dhe dëshirojnë ta praktikojnë dhe ta avancojnë më tej. Kursi është i dizajnuar në mënyrë që pjesëmarrësit të marrin informacione dhe ndihmë personale sipas nevojave të tyre, duke e bërë procesin e mësimit sa më efektiv dhe të përshtatur për secilin individ. Mësimi do të jetë gjithashtu interaktiv dhe shumë argëtues, duke mos ndjekur një strukturë formale si në shkolla.
Gjatë kursit do të ketë edhe përkthyes për të ndihmuar në kuptimin sa më të qartë dhe të detajuar të përmbajtjes.
Pjesëmarrësit do të ndahen në grupe sipas nivelit të njohurive gjuhësore. Gjeneratat më të rritura do të fokusohen më shumë në anglishten profesionale, të përdorur në punë dhe biznes, ndërsa gjeneratat e reja do të zhvillojnë aftësi më të përshtatura për studime dhe nevojat e tyre të përditshme.
Më 08.06.2026, në zyrat e LIZA-R, do të mbahet një intervistë e shkurtër vlerësuese për të përcaktuar grupin më të përshtatshëm për secilin pjesëmarrës, bazuar në nivelin e gjuhës angleze.
Ju lutemi të plotësoni informacionet me saktësi në mënyrë që të mund t’ju kontaktojmë.
