Nga Konflikti në Dialog, trajnimi nga iniciativa e të rinjve!
Sot, të rinjtë tanë nga Gjilani zhvilluan me sukses aktivitetin e parë të iniciativës “Nga Konflikti në Dialog: Ndërtimi i Aftësive të Shëndetshme të Komunikimit tek të Rinjtë”, (From Conflict to Dialogue: Building Healthy Communication Skills in Youth), e cila po realizohet si inicativë e të rinjve anëtarë të organizatës LIZA-R.
Kjo nismë ka për qëllim fuqizimin e të rinjve në njohjen e shenjave të hershme të bullizmit dhe ekstremizmit të dhunshëm, si dhe promovimin e komunikimit të shëndetshëm dhe jo dhunor.
Trajnimi u udhëheq nga eksperti i sigurisë z. Muhamed Hyseni, i cili përmes ushtrimeve praktike, skenarëve nga situatat reale dhe diskutimeve interaktive, i ndihmoi pjesëmarrësit të kuptojnë më mirë:
– Çfarë është bullizmi dhe ndikimi i tij psikologjik/social
– Përdorimin e komunikimit jo dhunor në zgjidhjen e konflikteve
– Identifikimin e sinjaleve paralajmëruese të sjelljeve të rrezikshme te bashkëmoshatarët
Aktiviteti u realizua me përkushtimin dhe angazhimin e të rinjve: Taona Bajrami, Alp Salihu, Enea Hoxha, Flandra Veseli Fv Veseli, Land Osmani, të cilët po e drejtojnë këtë iniciativë me përgjegjësi dhe vizion për një komunitet më të sigurt dhe më të ndërgjegjshëm.
Falënderojmë të gjithë pjesëmarrësit, vullnetarët dhe partnerët mbështetës për përkrahjen dhe bashkëpunimin.
Kjo iniciativë po mbështetet nga SIT – Center for Counseling, Social Services and Research
nëpërmjet Pro Peace – Kosovo
