Kemi kënaqësinë t’ju prezantojmë disa nga brendimet dhe logot e krijuara për kursantet tona, të cilat pasqyrojnë vizionin, kreativitetin dhe ambiciet e tyre për të hyrë në treg me një identitet unik dhe profesional.
Çdo logo është rezultat i një procesi bashkëpunues, ku idetë dhe ëndrrat e kursanteve janë shndërruar në identitete vizuale që përfaqësojnë vlerat dhe karakterin e secilit biznes.
Përmes këtij procesi, gratë dhe vajzat pjesëmarrëse po hedhin hapat e parë drejt vetëpunësimit dhe krijimit të bizneseve të qëndrueshme.
LIZA-R vazhdon të mbështesë bizneset e vogla dhe iniciativat e reja ndërmarrëse, duke fuqizuar gratë dhe komunitetin për të ndërtuar një të ardhme më të sigurt ekonomike.Besojmë se çdo biznes i suksesshëm fillon me një ide, ndërsa ne jemi krenarë që jemi pjesë e rrugëtimit të tyre drejt suksesit.
Së bashku po ndërtojmë mundësi të reja, po fuqizojmë familjet dhe po kontribuojmë në zhvillimin e komunitetit tonë.