Ishte një kënaqësi e veçantë të mirëprisnim në zyrat tona znj. Zana Kurtishi Rudi, e angazhuar si eksperte për Digital Literacy, në kuadër të projektit “Nisma Katalizatore e Inovacionit për Minoritete”, i cili implementohet nga The Foundation House.
Organizata “LIZA-R” është një nga organizatat përfituese të programit të ngritjes së kapaciteteve dhe skemës së granteve strategjike në kuadër të këtij projekti.
Gjatë vizitës, znj. Kurtishi Rudi u takua me stafin e organizatës, me të cilët ndau ide, përvoja dhe diskutoi mundësi konkrete bashkëpunimi.
Ajo u njoh nga afër me punën, kontributin dhe ndikimin që organizata jonë, si një nga organizatat më të fuqishme rinore në vend po ofron në fuqizimin e të rinjve dhe komuniteteve përreth.
Përveç prezantimit të aktiviteteve dhe projekteve tona, u diskutuan edhe nevojat dhe sfidat që hasim gjatë rrugëtimit tonë të përbashkët drejt krijimit të mundësive më të mëdha për të rinjtë, me fokus të veçantë në zhvillimin digjital dhe përfshirjen sociale.
Takimi përforcoi rëndësinë e bashkëpunimeve strategjike dhe mbështetjes së vazhdueshme për të avancuar misionin tonë.
”Nisma Katalizatore e Inovacionit për Minoritete” është projekt i realizuar me mbështetjen e projektit “Mbështetje për Shoqërinë Civile në Kosovë”, financuar nga Dukati i Madh i Luksemburgut dhe implementuar nga LuxDev – Luxembourg Development Cooperation Agency, Agjencia e Luksemburgut për Bashkëpunim Zhvillimor.
“Kur fuqizon një të ri, fuqizon një të ardhme të tërë.”
Vazhdojmë tutje me “LIZA-R”
