Urime Ditën Ndërkombëtare të Rinisë! 

Përgjatë rrugëtimit tonë në LIZA-R, kemi pasur privilegjin të jemi pranë brezave të të rinjve në komunën tonë.
T’i mbështesim, t’i fuqizojmë dhe t’u krijojmë hapësira për të mësuar, për t’u zhvilluar dhe për të kontribuar.

Sot jemi krenarë që shumë prej të rinjve që dikur ishin pjesë e aktiviteteve tona, sot sjellin edhe fëmijët dhe gjeneratën e re për t’u bërë pjesë e tyre.

Rinia është forca që mban gjallë kulturën, traditat, vlerat dhe shpresën e komunitetit.
Ne jemi krenarë të jemi një nga shtyllat e mbështetjes së rinisë në komunën tonë dhe do të vazhdojmë të ecim bashkë me ta, brez pas brezi.

Me rininë, Për rininë, Për një të ardhme më të mirë 

THIRRJE PËR APLIKIM “BURSA E EKSELENCËS”

Organizata LIZA-R ka kënaqësinë të shpallë hapjen e thirrjes për aplikim për 30 Bursa të Ekselencës, të dedikuara për studentët e dalluar nga e gjithë Kosova.

Përmes kësaj thirrjej, LIZA-R synon të mbështesë të rinjtë e talentuar dhe të përkushtuar në studime, veçanërisht studentët të cilët, përveç rezultateve të larta akademike, përballen edhe me sfida sociale dhe ekonomike.

Vlera e bursës: 450 € për student
Bursa do të ndahet në 3 këste: (Tetor 2026, Mars dhe Shtator 2027)

KUSH MUND TË APLIKOJË?

Të drejtë aplikimi kanë studentët nga viti i dytë e tutje (vetëm në nivelin Bachelor), të regjistruar në një nga këto fusha të studimit:
Shkencat Mjekësore dhe Shëndetësore – 8.5 +
Shkencat Teknike dhe Inxhinierike – 8.5 +
Shkencat Natyrore dhe Matematikore – 8.5 +
Shkencat Sociale dhe Humane – 9.0 +
Shkencat Ekonomike – 9.0 +
Shkencat Juridike – 9.0 +
Shkencat e Edukimit 9.0 +
Shkencat Bujqësore dhe Veterinare 8.5 +
Artet – 9.0 +

KRITERET SOCIALE

Përparësi në procesin e përzgjedhjes do të kenë kandidatët që plotësojnë një ose më shumë nga kriteret e mëposhtme sociale:
1. Anëtarë të familjeve në skema sociale, (Familjet që përfitojnë pension të Kosovës ose pension invalidor, si dhe me aftësi të kufizuara. Për këtë kategori kërkohet dokumentacion valid dëshmues si kartoni apo vërtetimi)
2. Fëmijë të dëshmorëve dhe veteranëve të luftës, (Vendimi përkatës i lëshuar nga Zyra e Kryeministrit)
3. Familje me më shumë se një student, (Me 2-3 studentë, kërkohet vërtetimi i studentëve aktiv)
4. Familje me të ardhura të ulëta (Vërtetimi i gjendjes sociale)
5. Fëmijë jetim, (Çertifikatën e vdekjes së njërit ose të dy prindërve)
6. Studentë nga zonat rurale, (Çertifikatën e vendbanimit)

DOKUMENTACIONI I NEVOJSHËM

Aplikantët duhet të dorëzojnë:
-Kopjen e Letërnjoftimit
-Dëshmi se janë studentë aktivë, përkatësisht vërtetim nga fakulteti me vulë dhe nënshkrim (të lëshuar pas datës së publikimit të kësaj thirrje)
-Transkriptën e notave, (të lëshuar pas datës së publikimit të kësaj thirrje, e vulosur dhe nënshkruar)
-Dokumentet nga njëra prej kategorive të lartshënuara

AFATI I APLIKIMIT: Deri më: 11.09.2026
E hënë – E premte (10:00 – 17:00)

Aplikimi mund të bëhet në njërën nga këto dy mënyra:
1. Fizikisht në zyrat e Organizatës LIZA-R
Rr. Gjinollët 98, (Daki Residence) Kati 6, Dera 504, Gjilan ( në sheshin e ri apo afër Tregut të Gjelbërt )
Numri kontaktues në rast se nuk mund të gjeni zyren: +383 49 959 823

2. Përmes Postës së Kosovës
Dokumentacioni duhet të dërgohet në zarf të mbyllur, me dokumentet origjinale të pajisura me vulat dhe nënshkrimet përkatëse të dokumentacionit.
Në pjesën e jashtme të zarfit, aplikantët duhet të shënojnë numrin e telefonit dhe Email-in, në mënyrë që të mund të kontaktohen në rast nevoje.

Vërejtje: Aplikimet e dorëzuara pas këtij afati apo të pa kompletuara nuk do të merren në shqyrtim nga komisioni.

Kjo skemë e bursave realizohet me mbështetjen e donatorit IHH Nederland, i cili përmes përkrahjes së tij kontribuon në fuqizimin e arsimit, promovimin e ekselencës akademike dhe krijimin e mundësive të barabarta për të rinjtë.

THIRRJE PËR APLIKIM

30 SERA BUJQËSORE PËR FAMILJET NË GJILAN DHE KAMENICË

Pas rezultateve pozitive të vitit të kaluar, LIZA-R vazhdon edhe këtë vit programin për mbështetjen e fermerëve dhe familjeve në zonën e Gjilanit dhe Kamenicës.

Edhe këtë vit do të shpërndahen 30 sera bujqësore, me qëllim të krijimit të mundësive të reja për prodhim, rritjen e të ardhurave dhe, mbi të gjitha, fuqizimin e ekonomisë familjare përmes punës dhe bujqësisë së qëndrueshme.

KUSH MUND TË APLIKOJË?

Përparësi do të kenë këto kategori dhe të bashkangjiten këto dokumentacione:
1. Familjet me të ardhura të ulëta (Vërtetimi i gjendjes sociale)
2. Familjet e dëshmorëve dhe invalidëve të luftës (Vendimi përkatës i lëshuar nga Zyra e Kryeministrit)
3. Fermerët e rinj dhe gratë fermere (Certifikata familjare)
4. Personat që jetojnë në zona të thella rurale (Certifikata e vendbanimit)
5. Nënat vetëushqyese (Certifikata familjare)
6. Familjet që kanë anëtar me aftësi të kufizuara (Kartoni/vërtetimi i ndihmës invalidore)
7. Familjet me numër të madh anëtarësh dhe fëmijësh (Certifikata familjare)

DOKUMENTACIONI I NEVOJSHËM

Për aplikim duhet të dorëzohen:
– Kopja e letërnjoftimit
– Dokumentet nga njëra prej kategorive të lartshënuara

Të gjitha dokumentet duhet të jenë të qarta dhe të lexueshme.

AFATI I APLIKIMIT: Deri më 11.09.2026
E hënë – E premte
10:00 – 17:00

Aplikimi bëhet Fizikisht në zyrat e LIZA-R:
Rr. Gjinollët 98, (Daki Residence) Kati 6, Dera 504, Gjilan,në sheshin e ri apo afër Tregut të Gjelbërt
Numri kontaktues në rast se nuk mund të gjeni zyren: 383 49 959 823

MONITORIMI:
Përfituesit e përzgjedhur do të jenë pjesë e një programi monitorimi 3-vjeçar, me qëllim që serat të përdoren në mënyrë të qëndrueshme, produktive dhe efektive.

Kjo mbështetje realizohet falë donacionit bujar të partnerëve tanë IHH Nederland, të cilët vazhdojnë të besojnë në potencialin e familjeve, fermerëve dhe zhvillimit të qëndrueshëm të bujqësisë në Kosovë.

#LIZAR #SeraBujqësore #Gjilan #Kamenicë #Bujqësi #Fermerë #EkonomiaFamiljare #ZhvillimIShtueshëm #MbështetjePërFermerët

 SOT ËSHTË NJË DITË HISTORIKE PËR LIZA-R! 

Me krenari të madhe ju ndajmë lajmin se LIZA-R është certifikuar zyrtarisht me Quality Label në kuadër të European Solidarity Corps (ESC), duke u bërë organizata e vetme në rajonin e Gjilanit dhe ndër të rrallat në Kosovë që gëzon këtë vlerësim prestigjioz.
Tashmë u hapen mundësi të reja për projekte evropiane, vullnetarizëm ndërkombëtar, shkëmbime rinore, trajnime dhe programe zhvillimore në kuadër të European Solidarity Corps, Erasmus+ dhe SALTO Youth.

Për ne, kjo nuk është fundi i një rrugëtimi, por fillimi i një kapitulli të ri me më shumë partneritete, më shumë mundësi dhe më shumë investim për rininë e Kosovës.

 Falënderojmë nga zemra të gjithë partnerët, bashkëpunëtorët, vullnetarët dhe mbështetësit tanë.
Ky sukses është i përbashkët!

 E ardhmja fillon sot. Evropa është më afër se kurrë për të rinjtë e komunitetit tonë!

#LIZAR #QualityLabel #EuropeanSolidarityCorps #ESC #ErasmusPlus #SALTOYouth #YouthOpportunities #Volunteering #YouthEmpowerment #EuropeForYouth