Sot patëm nderin dhe kënaqësinë të mirëpresim në hapësirat e zyreve tona Zëvendësministren e Punëve të Jashtme dhe Diasporë të Republikës së Kosovës, znj. Liza Gashi.
Ky takim ishte më shumë se formal—ishte një moment i veçantë, i mbushur me kujtime dhe frymëzim.
Ajo që e bëri edhe më emocionuese këtë vizitë është fakti që organizata jonë mban emrin “LIZA-R”, si një sinonim për një nga aktivistet e saj të para, znj. Liza Gashi, e cila që nga viti 2003 ka qenë pjesë e rrugëtimit tonë.
Gjatë takimit, diskutuam dhe dakorduam për aktivitete të përbashkëta që do të shërbejnë në të mirë të të rinjve dhe komunitetit.
Me përkushtim dhe bashkëpunim, vazhdojmë përpara drejt mundësive të reja dhe projekteve që sjellin ndryshim!
Vazhdojmë tutje me “LIZA-R”!
